Bergrún Íris

Nú stendur yfir sýning á verkum nemenda í fullu námi við Myndlistaskólann í Reykjavík! Á sýningunni er teiknibekkurinn minn með úrval verka síðustu tveggja ára auk lokaverkefnanna sem við höfum unnið að síðustu vikur.

Þar má sjá bókina sem ég gerði með henni Ósk minni Ólafsdóttur.

Þar er líka hægt að prófa sjúklega flottan tölvuleik sem snillingarnir Ingunn og Simmi hristu fram úr erminni

Sunna vinkona er með yndislega ljóðræna bók á sýningunni auk fallegra teikninga frá liðnu ári.

(þetta er sjálfsmynd af henni, en ekki mynd úr bókinni)

Lilja meistari er með helling af flottu dóti og heila bók um hvernig á að skrifa bók

og Orri Snær sýnir sínar bestu hliðar í gúrme myndasögublaði!

Og svo er þarna mikil snilld frá Friðgeiri

Plús fullt fullt annað flott!

Sýningin er í  nýbyggingu Lækningaminjasafnsins við Sefgarða á Seltjarnarnesi. Þar er æðislegur grasbali og stutt í fjöruna ef fólk vill taka börnin með og gera smá dag úr þessu. Þarna eru svo líka ýmis verk úr fornáminu, mótunardeild og textíldeild svo það er margt að sjá. Þið getið séð smá sýnishorn í lok fréttatímans sl. mánudag. (mín 27.03)

Sýningin er opin 14-18 virka daga og 12-18 um helgina!